Building Blocks Global Consultancy ta un empresa di konsulta internashonal ku ta speshalisá den:

• Maneho- i desaroyo di rekurso humano
• Desaroyo di korporashon (kompania)
• Maneho stratégiko
• Desaroyo di liderasgo
• ‘Nation Building’, desaroyo di nashon
• Seninarionan

Nos ta kontribuí na un mihó mundu dor di konstruí éksito sólido pa medio di funshonamentu  pa logra resultado i meta den komunidatnan, kompanianan i organisashonnan rònt mundu. Timnan ganadó den un kompania ta proveé kalidat di bida na generashonnan den nos nashonnan. Nos ta enfoká pa inbentá, re-inbentá i konsolidá esfuersonan pa hasi soñonan i vishonnan realidat.

Nos por proveé loke bo mester pa por krese i hasi bo ganashi mas grandi, sea ku bo ta operá na nivél stratégiko, táktiko of operashonál.

Nos aserkamentu multilengual i e toke finál pa medio di un kombinashón di imagen datos i zonido konsolidando henter e kompania ta konosí rònt mundu.

Building Blocks Global Consultancy a wòrdu fundá na Boston, Massachusetts USA, ku un programa di relashón interkultural yamá MAP St. John.

E programa aki ta pa konsientisashon  multilengual pa studiante-, dosente- i miembronan di staf na Boston.
Ku nos eksperensha riba tereno di Rekurso Humano i Desaroyo i tambe Maneho Stratégiko, nos a logra introdusí nos pakete famoso ku ta enfoká riba kresementu di hende den organisashon- i kompanianan rònt mundu.
Den 1994 nos famoso paketenan di kresementu tabata wòrdu atkerí rònt mundu. Nos a mehorá funshonamentu di kompania- i organisashonnan ku nos famoso pakete multilengual ku ta basá netamente riba e nesesidat aktual. Tambe nos a introdusí of mehorá práktikanan di funshonamentu riba tereno di desaroyo struktural di rekurso humano, maneho stratégiko, kresementu di ROI i introdukshón di instrumentunan di rekurso humano, kuminsando for di aktividatnan di atkisishón te funshonamentu i desaroyo di empleado i miembronan di staf.

Komo ehèmpel nos tin entre otro nos instrumentunan di BBGC pa kompanianan na Antias Hulandes, Sur Afrika, Munich, Swesia i paisnan manera St. Kitts i Nevis den Karibe. Nos klientenan ta diverso, di kultura- i idiomanan distinto i ta situá rònt mundu.

Den 2006 nos a kuminsá enfoká riba nashonnan kompletu i populashón grandi pa medio di nos programanan via di medionan masál a petishon di lidernan gubernamental.

Resientemente nos a perfekshoná nos programanan ku ta basá riba dvd ku instrukshon i desaroyo ofishal di dvd i aplikashon diseña pa BBGC.

E-mail: info@buildingblocksgc.com