DVD di instrukshon

E trayektonan ku BBGC ta ofresé ta basá riba kombinashón di datos, imágen, zonido konseptonan i práktika. Nos a inbentá i diseñá dvd-nan di instrukshón i aplikashonnan ku ta nétamente basá riba nesesidatnan di un kompania. Esakinan ta hopi efektivo debí ku nan ta kapta atenshon di e partisipante mesora, motivando esaki pa sigui traha riba su desaroyo profeshonal.

Nos ta usa e dvd-nan di instrukshon i aplikashon kombiná ku guia personal (kara-kara) pasobra esaki ta brinda mas bentáha kompará ku e maneranan tradishonal di duna instrukshón i trening. Edukashon basá riba uso di dvd ta krea posibilidat pa presentá dilemanan krítiko pa kompania di tal manera ku esaki por kambia pensamentu i aktitut di e partisipante.

E presentashonnan riba dvd ta basá riba situashonnan real, identifikando pues dilemanan krítiko den komunidat, kompania i esaki su nivel di maneho i empleado.

Debí ku e dvd-nan ta partí den diferente kapítulo, e supervisor por usa esaki semper komo repaso den enkuentronan di progreso, komo seshon di introdukshon pa empleadonan nobo of pa otro trayektonan kaminda esaki por ta nesesario.
E dvd-nan di instrukshon ta wòrdu produsí den idiomanan Papiamentu, Inglés, Spaño i Franses.
E dvd-nan di instrukshón ta bira propiedat di e kompania pa kua nan a wòrdu diseñá i produsí.

Nos aplikashon ta representá resultado di esfuersonan di parti di lidernan i nan tim pa ku futuro maneho di nan tim of departamentu. Representantenan di Rekurso Humano por usa e aplikashon komo hèrmènt pa huntu ku e lidernan den kompania proveé maneranan inovativo pa hiba maneho di rekurso humano pa loke ta trata liderato. Uso di password den e aplikashon, dependiendo di nivel di e funshon en kuestion, ta duna e seguridat ku e datosnan ta keda tratá di forma konfidenshal. Esaki na su turno ta kontribuí na konfiansa i respèt den kompania.

BBGC ta hasi e inbentarisashon i obserbashonnan nesesario pa por produsi e dvd basá riba:

• Narashon
• Konseptualisashon di diskushón- i presentashonnan
• Treningnan grabá
• Skèch
• Kombinashon di teksto, bos asentuashon gráfiko i efektonan speshal basá riba dilemanan krítiko.
• Gráfikonan
• Pènel di diskushón
• Entrevista
• Ehersisionan i seshonnan di práktika
• Posibilidat pa krea un banko di datos, ku posibiidat pa registrá raportahenan di progreso ku ta kondusí na evaluashonnan sinsero.

Basá riba redukshon di ekseso i kresementu di ROI ku e ehekutivonan di kompania ta eksperenshá, e kompania lo por introdusí insentivonan di motivashón mediante di repartishon di ganashi. E lidernan i nan timnan lo eksperenshá e benifisionan di kontribuí i lo ser kompensá ku insentivonan ku ta mas sinsero. Nos aplikashón ta duna instrukshón i ehèmpel di kon pa aktivá esaki i otro opshonnan

 Nos ta sinkronisá i traha hopi estrecho ku Departamentu di Rekursonan Humano i Personal pa garantisá trahamentu di e brug entre esakinan, hasiendo uso di instrumento- , práktika- i proseduranan ku ta konsolidá resultado duradero. E kompanianan semper por apelá pa haña konsulta pa ku e prosesonan i gia riba trabou pa por konsolidá resultado di e trayektonan en kuestion.