Maneho- i desaroyo di rekurso humano ta krusiál pa kompanianan i tambe pa BBGC

Building Blocks Global Consultancy ta ofresé informashón, trening, konsulta práktiko i instrumentunan na kompanianan i otro entidatnan pa atraé, selektá, atkerí i desaroyá e personanan mas adekuá pa funshon- i posishonnan habrí. Nos prueba- i instrumentunan pa detektá talento, pero tambe ora ku e persona no ta kuadra ku e funshon ta duna bon resultado tantu pa e empleado komo e kompania.

Nos por guia e proseso di asignashón difunshón i tambe esun di madurés di e atkisishón nobo di forma ku nos ta haña personanan loyál, enfoká, produktivo i dediká. Esaki ta trese satisfakshón den trabou, stimulando produktividat i motivashón. Madurés di e empleado ta sigurá ku kompetenshanan riba tur area relevante pa ku su responsabilidatnan di trabou.

Kada un di nos programanan di entrenamentu ta un pilá di nos pakete; nan ta semper basá riba nesesidatnan di e kompania teniendo kuenta ku esaki su komponentenan di trabou, vishón i mishón.
Nos por gia e proseso di kompensashon basá riba resultado di evaluashón di funshonamentu, teniendo na kuenta e nesesidat- i posibilidatnan di karera di i den e kompania pa e empleado. Pa realisá esaki nos ta hasi un análisis di e nesesidatnan pa trening di un manera struktural i sientifikamente sólido.
Nos bon relashón ku Vakbontnan ta prueba ku nos instrument- i práktikanan di maneho i desaroyo di rekurso humano ta basá riba ‘fair practice’.

Nos konseho na tur entidat ta pa semper apliká ‘fair practice’ pa evitá demotivashon i bahada di produktividat. Esakinan semper lo perhudiká e kompania of organisashon. Na nos empleadonan nos ta konsehá pa semper duna bèk pa e struktura i kalidat di bida ku bo kompania ta brinda abo i bo famia. Kon lo bo a hasi sin bo trabou?

Klas virtual pa sertifikashon
Nos ta ofresé klas virtual (pa medio di internet, E-learning) den Maneho i Desaroyo di Rekurso Humano, despues di kual partisipantenan por sigui pa sertifikashon i bira un ‘coach’ di BBGC. Kada nivel ta módulonan spesífiko pa bira eksperto den Rekurso Humano inovativo den kompania.