Comprehensive Company Leadership Competencies (CCLC) 2 a keda publiká i por bestèl via e e-mail den e website aki.
Maneho di dilema kritiko, konflikto, problema, dilemanan stratégiko por ta hopi kompliká i por kaba ku un entidat pero ku e buki aki i su software, lidernan i nan tim ta risibí informashon ekstenso i un instrumènt ku ta yuda prevení, detektá, solushoná eskalashon i mantené motivashon dor di meskla dushi ku marga: e partinan bon di kada partido- i pensamentu oponente.
Tokante CLC2: Meskla dushi ku marga!
Comprehensive Company Leadership Competencies 2, buki di referensha.
Esaki ta e di dos buki ku software di e CCLC (Comprehensive Company Leadership Competencies) seri ku awor ta enfoká riba problema i konflikto ku ta kibra tur kos. E biaha aki nos a kombin’é ku imágen, kier men vidio ku ta ilustrá kousa, efekto, strategia pa solushon i kurso dui akshon ku ta hasi mas daño.
Situashonnan negativo por surgi for di nada i por eskalá te na un fase di vengansa i eliminashon. Promé ku esaki sosodé, lidernan mester tuma mando i hasi tur loke nan por pa prevení òf sikiera aktua na tempu. Konflikto, por ehèmpel, por kousa ‘over stress’ i asta trauma na esnan embolbí i esnan ku presensiá e konflikto devastador sin por hasi nada pa stòp e eskalashon. Pa e motibu aki nos ta dediká parti di e buki aki tambe na saniamentu di e situashon posterior di situashonnan asin’aki pa evitá ripitishon i siklo króniko di konflikto òf problema drumí òf kayente.
E buki i software ta duna informashon i instrukshon riba kon ta negoshá un akuerdo poderoso den tur situashon di e tamaño aki.
Hendenan, nan unidatnan, lidernan i kompanianan den nan totalidat, awor tin un buki ku nan por konfia den nan mes idioma huntu ku su instrumento den nan mes idioma tambe pa yuda meskla pensamentunan oponente i yega na produktividat i produkshon.
Pa benefisiá di e buki aki, lidernan ta keda enkurashá pa pasa dor di CCLC1 promé kual ta ofresé tur kompetensha nesesario pa e di dos seri aki ku ta un seri avansá i profundo.
CCLC 2: Comprehensive Company Leadership Competencies, ta inkluí follow up riba maneho di komunikashon, relashon profeshonal, problema kritiko i konflikto den kompania i organisashon.
Forma brùg pa solushoná dilema ta enrikesé bida, trabou i tim!
E buki i software aki ta impagabel; nan ta deskribí e konseptonan i teoria tras di kuminsamentu i eskalashon di konflikto i problema ku nan efekto devastador riba trabou i hende. Despues di lesa e buki i usa e software nos lo sa presis kiko pa hasi pa detektá eskalashon promé ku ta lat: nos lo por motivá, instruí i guia hende pa yega na brùg ku tur dos a konstruí i ku ta hiba na un nivel haltu di funshonamentu i ganamentu.
Nos ta ofresé e pakete aki ku su software di instrukshon huntu ku karchi di kompetensha nesesario ku vidio, ehèmpel di bida real, ku ta esensial pa komprendé e ‘kiko’, ‘dikon’ i ‘kon’. E aplikashon ta importante pa usa pa komprendé, komuniká, intermediá i sania e situashon despues di e problema- i konfliktonan horibel ku por tuma lugá na forma friu òf kayente.
