Remington Registry, un instituto ku ta rekonosé profeshonalnan ku a demostrá liderazgo den nan aria, tambe a rekonosé Sonia pa su logronan profeshonal i pa su kontribushon na komunidatnan

Na fin di 2010, Massachusetts Worldwide su nètwèrk di profeshonal ‘Cambridge Who’s Who’, a proklamá Edisonia (Sonia) Kook ‘Professional of the Year’ di 2010 entre 400.000 profeshonal rònt mundu pa su logronan profeshonal i komo entrepreneur ku a destaká den mundu.

El a keda skohé pa su logronan den konseho na kompanianan (Business Consulting).

Den jaunuari  2011, Sonia a haña rekonosementu di su ekselensia promé minister Gerrit Schotte pa su logronan internashonal.

E promé minister a elogiá Sonia pa su profeshonalismo i talento i pa e echo ku e ta promové e profeshonalismo i talento ku su isla, Kòrsou tin di ofresé na nos i na mundu.

Manera Promé minister Schotte a remarka durante e seremonia di rekonosementu di outora- empresaria  Edisonia (Sonia) Kook i su shete bukinan: asta famianan i otro entidatnan manera skolnan, mayor i edukadó pues por hasi uso di e buki aki pasobra e ta ofresé tur kos ku mester pa strukturalmente evitá òf solushoná dilemanan kontemporáneo den kas i otro entidat.